سابق کرکٹر باسط علی کا کہنا ہے کہ ہیڈ کوچ مائیک ہیسن نے پریس کانفرنس میں بابر اعظم کی تعریف نہیں بے عزتی کی ہے۔
اے آر وائی نیوز کی ’اسپیشل ٹرانسمیشن‘ میں گفتگو کرتے ہوئے سابق کرکٹر باسط علی نے کہا کہ جب آپ کا ہیڈ کوچ یہ کہہ رہا ہے کہ پاور پلے میں بابر اعظم کا اسٹرائیک ریٹ 100 سے کم ہے اس لیے 12 اوورز کے بعد ہم اس کو نہیں بھیج سکتے۔
باسط علی نے کہا کہ یہ تو آپ بابر اعظم کی بے عزتی کررہے ہیں اور پھر کہہ رہے ہیں کہ پاکستان کا نمبر ون بیٹر ہیں۔
انہوں نے کہا کہ عوام کا دباؤ میری سمجھ سے باہر ہے، یہ پاکستان کی ٹیم ہے کوئی بابر اعظم کی ٹیم نہیں ہے، کرکٹ سے بڑا کوئی کھلاڑی نہیں ہے۔
کل مائیک ہیسن نے پریس کانفرنس میں بابر کی تعریف کی ہے یا بےعزتی کی ہے؟ باسط علی نے اہم سوال اٹھادیا#ARYNews #T20WorldCup2026 #BabarAzam pic.twitter.com/HvITAASiCX
— ARY NEWS (@ARYNEWSOFFICIAL) February 21, 2026
سابق کرکٹر نے کہا کہ بابر سے بات شروع ہورہی ہے اسی پر ختم ہورہی ہے جو سلیکٹ نہیں ہوا اس پر گفتگو ہی نہیں ہورہی۔
یہ پڑھیں: مائیک ہیسن نے نمیبیا کے خلاف بابر اعظم کو بیٹنگ نہ دینے کی وجہ بتا دی
کامران اکمل نے کہا کہ آپ نے باہر اعظم کو ایشیا کپ سے باہر کیا لیکن یہ بہترین موقع تھا کہ اسے کھلا دیتے تو ورلڈ کپ سے قبل ہی آپ کو اندازہ ہوجاتا، لیکن آپ انہیں وہاں لے کر نہیں گئے اور ورلڈ کپ میں لے آئے۔
انہوں نے کہا کہ اب بابر پرفارم نہیں کررہا تو پھر وہی باتیں ہورہی ہیں۔
from ARYNews.tv | Urdu – Har Lamha Bakhabar https://ift.tt/Blu4bVr
