اسلام آباد (13 اگست 2025) وزیراعظم شہباز شریف نے کہا کہ آج آرمی راکٹ فورس کمانڈ کی تشکیل کا اعلان کرتا ہوں، معرکہ حق نے ثابت کردیا کہ ہم اپنی آزادی کی حفاظت کی مکمل صلاحیت رکھتی ہے۔
یہ بات انہوں نے اسلام آباد کے جناح سپورٹس گراؤنڈ میں 78ویں جشن آزادی معرکہ حق کی فتح کے موقع پر عظیم الشان تقریب سے خطاب کرتے ہوئے کیا۔
انہوں نے کہا کہ آرمی راکٹ فورس جدید ٹیکنالوجی کی حامل، دشمن کو ہر سمت سے نشانہ بنانے کی صلاحیت رکھتی ہے، آرمی راکٹ فورس کمانڈ ہماری جنگی صلاحیت کو مزید مضبوط کرے گی۔
فیلڈ مارشل سید عاصم منیر کی قائدانہ صلاحیت سے بھارت کےخلاف عظیم فتح ملی، انہوں نے بھارت کے خلاف بہترین جنگی حکمت عملی اپنائی۔
مسلح افواج نے بھارت کو ایسا سبق سکھایا جسے وہ کبھی بھلانہیں پائے گا۔ مسلح افواج نے سیسہ پلائی دیوار بن کر دشمن کو شکست سے دوچار کیا۔
وزیراعظم کا کہنا تھا کہ ہم نے اس جشن آزادی کو معرکہ حق کا نام دیا ہے ،10 مئی کو پاکستانی ایک نئی قوم بن کر سامنے آئے، بھارت نے جھوٹے الزامات کا سہارا لے کر ہم پر حملہ کیا ، بھارت کو اپنی طاقت پر بہت گھمنڈ تھا۔
وزیراعظم نے عالمی اور خطے کے ممالک کے تعاون کا بھی ذکر کرتے ہوئے کہا کہ چین، سعودی عرب، ترکیہ، قطر، ایران، یو اے ای، آذربائیجان نے پاکستان کے موقف کی حمایت کی۔
معرکہ حق میں عظیم کامیابی سے ایک نیا پاکستان دنیا کے سامنے آیا، مسلم امہ کی پہلی اور دنیا کی ساتویں ایٹمی قوت ہونے پر فخر ہے، پاکستان کا دفاع ناقابل تسخیر بنانے والوں کو خراج تحسین پیش کرتے ہیں۔
قومی سلامتی کو ناقابل تسخیربنانے کے مشن کے بانی ذوالفقار علی بھٹو کا کردار ہمیشہ یاد رکھا جائے گا، تمام سیاسی قائدین، ڈاکٹرعبدالقدیرخان، انجینئرز، فوجی افسران کے کردار کو ہمیشہ یاد رکھا جائے گا، اپنے قائد نوازشریف کو سلام پیش کرتا ہوں جنہوں نے28مئی کو ایٹمی دھماکے کیے۔
آرمی راکٹ فورس جدید ٹیکنالوجی کی حامل، دشمن کو ہر سمت سے نشانہ بنانے کی صلاحیت رکھتی ہے، آرمی راکٹ فورس کمانڈ ہماری جنگی صلاحیت کو مزید مضبوط کرے گی۔
from ARYNews.tv | Urdu – Har Lamha Bakhabar https://ift.tt/yz3CMJP
