اداکارہ مومنہ اقبال نے انکشاف کیا ہے کہ انہیں مداح میسج کرکے پوچھتے ہیں کہ ’بے بی آپ نے کھانا کھا لیا؟۔
اے آر وائی ڈیجیٹل کے ڈرامہ سیریل ’دستک‘ میں ’فریال‘ کا کردار نبھانے والی اداکارہ مومنہ اقبال نے حالیہ انٹرویو میں مختلف موضوعات پر اظہار خیال کیا۔
سوشل میڈیا پر سب سے عجیب کون سا میسیج ملا کے جواب میں مومنہ اقبال نے بتایا کہ انہیں بہت سارے مرد عجیب عجیب پیغامات ہی بھیجتے ہیں۔
ان کے مطابق بعض لڑکے ان سے خیریت دریافت کرتے ہیں جب کہ کچھ ان کی تعریفیں کرتے ہیں، اسی طرح کئی لوگ انہیں طعنے بھی دیتے ہیں۔
یہ پڑھیں: مومنہ اقبال نے اپنے پسندیدہ اداکار کا نام بتا دیا
اداکارہ نے بتایا کہ بعض لڑکے میسیجز میں ان سے کھانے تک کا پوچھ لیتے ہیں اور سوال پوچھتے ہیں کہ ’بے بی آپ نے کھانا کھا لیا‘۔
مومنہ اقبال کا کہنا تھا کہ بعض لوگ سخت میسیج بھی بھیجتے ہیں، جس میں وہ لکھتے ہیں کہ جہنم میں اداکارہ کا ایک الگ ہی مقام اور لیول ہوگا۔
اداکارہ نے کہا کہ میری خواہش ہے ہر کوئی یہ کہے کہ میں پاکستان کی سب سے بڑی سپر اسٹار ہوں۔
انہوں نے کہا کہ دوران شوٹنگ اکثر منہ سے ایسی بات نکل جاتی ہے جس پر سوچتی ہوں کہ سب کے سامنے کیوں کہہ دیا الگ جاکر کہہ دیتی۔
مومنہ اقبال نے بتایا کہ ایمرجنسی یا کسی مصیبت کی صورت میں وہ سب سے پہلے اپنی والدہ کو ہی فون کالز کرتی ہیں۔
from ARYNews.tv | Urdu – Har Lamha Bakhabar https://ift.tt/AR8HJ7E
