کراچی کے 3 مقامات پر نہاتے ہوئے 8 افراد ڈوب گئے، ریسکیوحکام نے ڈوبنے والے 3 افراد کو بچا لیا۔
تفصیلات کے مطابق ریسکیو حکام نے بتایا کہ 14 اگست کے موقع پر کراچی کے 3 مقامات پر نہاتے ہوئے 8 افراد ڈوب گئے جس میں سے 3 افراد کو بچا لیا گیا جبکہ 5 کی تلاش جاری ہے۔
منوڑہ پوائنٹ پر 5 افراد ڈوبے جن میں سے 3 کو بچا لیا گیا،2 کی تلاش جاری ہے، حب ڈیم میں 2 نوجوان اور حب ندی میں ایک بچہ ڈوب گیا۔
ریسکیو حکام نے بتایا ڈوبنے والے افراد کو ڈھونڈنے کے حوالے سے بتایا کہ ریسکیو اہلکار ڈوبنے والے افراد کی تلاش میں مصروف ہیں۔
دریں اثنا پولیس سرجن نے بتایا کہ یوم آزادی پر ہوائی فائرنگ سے 3 افراد جاں بحق ہوئے جبکہ 114 لوگ زخمی بھی ہوئے ہیں۔
پولیس سرجن نے کہا کہ جاں بحق ہونے والوں میں 8 سالہ بچی بھی شامل ہے، سب سے زیادہ عباسی شہید اسپتال میں 43 زخمیوں کو لایا گیا، جناح اسپتال 41، شہید بےنظیر بھٹو ٹراما سینٹر میں 30 زخمیوں کو لایا گیا۔
ہوائی فائرنگ سے متعلق پولیس سرجن نے مزید بتایا کہ یوم آزادی پر اس سے قبل کبھی اتنے افراد جاں بحق اور زخمی نہیں ہوئے۔
from ARYNews.tv | Urdu – Har Lamha Bakhabar https://ift.tt/a7mc83d
