بالی ووڈ اداکار پرمیت سیٹھی نے انکشاف کیا ہے کہ ’دل والے دلہنیا لے جائیں گے‘ میں شاہ رخ خان اصل میں ولن تھے۔
شاہ رخ خان کا شمار بالی ووڈ کے مقبول اداکاروں میں ہوتا ہے، ان کی رومانوی فلمیں ناظرین کے دلوں میں خاص مقام رکھتی ہیں لیکن ایسے لمحات بھی گزرے ہیں جب ان کے ساتھی اداکاروں نے ان کے کرداروں پر سوالات اٹھائے ہیں۔
پنک ولا کو دیے گئے انٹرویو میں پرمیت سیٹھی جنہوں نے فلم ’’دل والے دلہنیا لے جائیں گے‘‘میں ولن کلجیت کا کردار نبھایا تھا اب انہوں نے مذاقاً کہا کہ ’’مَیں نے ’’ڈی ڈی ایل جے‘‘ میں کچھ غلط نہیں کیا شاہ رخ خان (راج) آتا ہے اور میری منگیتر سمرن (کاجول) کو لے جاتا ہے، میں تو کچھ بھی نہیں کرتا۔ اصل ولن تو راج (شاہ رخ) ہوا۔‘‘
پرمیت سیٹھی نے یاد دلایا کہ فلم میں سمرن ان کے کردار کلجیت سے منسوب تھی مگر وہ راج (شاہ رخ خان) سے محبت کرنے لگتی ہے جس سے یہ فلم بالی ووڈ کی تاریخ کی سب سے مشہور رومانوی کہانیوں میں شامل ہو گئی۔
یہ پڑھیں: فلم ’دل والے دلہنیا لے جائیں گے‘ کا نام کس خاتون نے تجویز کیا؟
اسی طرح ایک اور انٹرویو میں منوج باجپائی، جنہوں نے ’’ویر زارا‘‘ میں پریتی زنٹا کے منگیتر رضا شریف کا کردار ادا کیا، انہوں نے بھی ہنستے ہوئے کہا تھا کہ ’’سگائی ہو چکی ہے، بیوی کسی اور سے عشق لڑا رہی ہے۔ اگر کوئی ولن تھا تو وہ شاہ رخ خان تھا، لیکن نفرت مجھ سے کی جاتی ہے!‘‘
منوج باجپائی نے مزید وضاحت کی کہ جب وہ کوئی کردار ادا کرتے ہیں تو وہ اسے کردار کے نقطۂ نظر سے دیکھتے ہیں۔
انہوں نے کہا کہ جب میں رضا کے کردار کے قریب آیا تو میرے لئے شاہ رخ خان (ویر) ہی ولن تھے۔ رضا ایک طاقتور شخص تھا، لیکن اگر اس نے خودکشی کرلی ہوتی تو شاید وہ کمزور دکھائی دیتا۔ میں نے کردار کو اسی زاویے سے سمجھا، جیسے ’’دیوداس‘‘ میں ایک شخص اپنی حد میں رہ کر سب کچھ کرتا ہے۔
from ARYNews.tv | Urdu – Har Lamha Bakhabar https://ift.tt/b65j9Zx
