امریکی ریاست جارجیا کے فورٹ اسٹیورٹ میں ملٹری بیس پر فائرنگ کے نتیجے میں 5 فوجی زخمی ہو گئے جب کہ شوٹر کو گرفتار کر لیا گیا ہے۔
بیس ترجمان نے تصدیق کرتے ہوئے بتایا ہے کہ فائرنگ کے واقعے میں 5 فوجی زخمی ہوئے ہیں جنہیں ریسکیو کر کے اسپتال منتقل کر دیا گیا ہے۔
واقعے کے بعد علاقے میں لاک ڈاؤن نافذ کر کے شہریوں کو گھروں تک محدود رہنے کی ہدایت کی گئی ہے۔ متاثرہ مقام کے اطراف اسکولز کو بند کر دیا گیا ہے اور سیکورٹی بڑھا دی گئی ہے۔
فورٹ سٹیورٹ دریائےمسیسیپی کےمشرق میں سب سے بڑی فوجی چھاونی ہے
آرمی نے فیس بک پوسٹ میں کہا کہ فائرنگ کا واقعہ سیکنڈ آرمرڈ بریگیڈ کامبیٹ ٹیم کے علاقے میں پیش آیا۔
وائٹ ہاؤس کی پریس سیکرٹری کیرولین لیویٹ نے کہا ہے کہ صدر ڈونلڈ ٹرمپ کو جارجیا میں فورٹ سٹیورٹ فوجی اڈے پر ہونے والی فائرنگ کے بارے میں آگاہ کر دیا گیا ہے۔
ایکس پر پوسٹ میں انہوں نے لکھا کہ "وائٹ ہاؤس صورتحال پر نظر رکھے ہوئے ہے،”
from ARYNews.tv | Urdu – Har Lamha Bakhabar https://ift.tt/zt9aElM
