ڈبلن : پاکستان اور آئر لینڈ کی ویمنز ٹیموں کے درمیان کھیلا جانے والا پہلا ٹی 20 آئرلینڈ ویمنز نے جیت لیا، قومی ٹیم کو 11 رنز سے شکست کا سامنا کرنا پڑا۔
اے آر وائی نیوز کی رپورٹ کے مطابق ڈبلن میں آئرلینڈ ویمنز نے پاکستان ویمنز کو 11 رنز سے ہرا دیا، قومی ٹیم 143 رنز کے تعاقب میں 9 وکٹوں کے نقصان پر131رنز بناسکی۔
پاکستانی کھلاڑی نتالیہ پرویز کے 29 اور رامین شمیم کے27رنز بھی ٹیم کے کسی کام نہ آسکے اورلاپرنڈرگسٹ نے 3اور جین میگیور نے 2 وکٹیں حاصل کیں۔
آئرش ٹیم پہلے کھیلتے ہوئے آخری اوور میں142 رنز پر آؤٹ ہوئی، ایمی ہنٹر37،اور لا 29 اورلیا پاؤل 28 رنز بنا کر نمایاں رہیں۔
قومی ٹیم کی کپتان فاطمہ ثنا نے 26 رنز دے کر 4 کھلاڑیوں کو آؤٹ کیا، 3 میچ کی سیریز کا دوسرا ٹی 20 جمعہ کو ڈبلن میں ہی کھیلاجائے گا۔
from ARYNews.tv | Urdu – Har Lamha Bakhabar https://ift.tt/tCKUJnN
