قومی ٹیم کے سابق کپتان سرفراز احمد کا کہنا ہے کہ پاکستان بھارت میں ورلڈ کپ جیتنے کے لیے فیورٹ ہے۔
اے آر وائی نیوز کے مطابق ٹیسٹ کرکٹر سرفراز احمد نے کہا کہ گرین شرٹس ورلڈ کپ کی ٹاپ فور ٹیموں میں شامل ہے، امید ہے قومی ٹیم یہ ورلڈ کپ جیتے گی۔
انہوں نے کہا کہ ایشیا کپ میگا ایونٹ کی تیاری کے لیے اہم ہے۔
سابق ٹیسٹ کرکٹر باسط علی کا کہنا تھا کہ ورلڈ کپ کے میچز جہاں بھی ہوں قومی ٹیم کو کھیلنے چاہئیں، یہ میگا ایونٹ ہے کوئی لوکل ٹورنامنٹ نہیں۔
ان کا کہنا تھا کہ کوالیفائر جیت کر جائیں گے تو پاکستان کے پاس اعتماد زیادہ ہوگا، بھارتی شائقین مہمان نواز کی تیاری کریں۔
from ARYNews.tv | Urdu – Har Lamha Bakhabar https://ift.tt/EgOJUG1
