بھارت کے مایہ ناز بیٹر روہت شرما کو انگلینڈ کے خلاف سیریز کے بعد ون ڈے اسکواڈ سے باہر کیے جانے کا امکان ہے۔
بھارتی میڈیا رپورٹس کے مطابق بی سی سی آئی نے ون ڈے ورلڈ کپ 2027 کے لیے نوجوان کھلاڑیوں کے ساتھ آگے بڑھنے کا فیصلہ کیا ہے۔
رپورٹ میں بتایا گیا ہے کہ سینئر سلیکشن کمیٹی اور ہیڈ کوچ گوتم گمبھیر نے گزشتہ ہفتے روہت شرما کے ساتھ میٹنگ کی اور انہیں ٹیم کے مستقبل کے منصوبوں سے آگاہ کیا ہے۔
روہت شرما ون ڈے کرکٹ کھیلنا جاری رکھنا چاہتے تھے تاہم سلیکٹرز نے نوجوان کھلاڑیوں کی شمولیت کا فیصلہ کیا ہے۔
یشسوی جیسوال کو ون ڈے کرکٹ میں مزید مواقع ملنے کی توقع ہے کیونکہ بھارت نے اگلے ورلڈ کپ کے لیے اسکواڈ تیار کرنا شروع کر دیا ہے۔
بھارتی میڈیا نے ذرائع کے حوالہ دیتے ہوئے کہا کہ سلیکٹرز نے روہت کو آگاہ کر دیا ہے کہ وہ انگلینڈ سیریز کے بعد ان کے منصوبوں کا حصہ نہیں ہیں۔
واضح رہے کہ اگر روہت شرما کو مستقبل میں ون ڈے اسکواڈ کا حصہ نہیں بنایا جاتا تو 19 جولائی کو لارڈز میں انگلینڈ کے خلاف ان کا آخری ون ڈے ثابت ہوگا۔
from ARYNews.tv | Urdu – Har Lamha Bakhabar https://ift.tt/ZPC57JO
