شوبز انڈسٹری کی معروف جوڑی یاسر حسین اور اقرا عزیز کے ہاں دوسرے بچے کی پیدائش ہوئی ہے۔
فوٹو اور ویڈیو شیئرنگ ایپ انسٹاگرام اسٹوری میں یاسر حسین نے یہ خوشخبری مداحوں کے ساتھ شیئر کی اور بتایا کہ ان کے ہاں بیٹی کی پیدائش ہوئی ہے۔
اداکار نے اسپتال کی اسٹرپ شیئر کی جس میں لکھا کہ ’اقرا عزیز کے ہاں بیٹی کی پیدائش ہوئی ہے۔‘
اداکار نے سرخ دل کی ایموجی بنا کر اہلیہ کا شکریہ بھی ادا کیا ہے۔
واضح رہے کہ چند ماہ قبل اقرا عزیز اور یاسر حسین نے دوسرے بچے کی جلد آمد کی خوشخبری سنائی تھی اور لکھا تھا کہ ہم چار ہونے جارہے ہیں، ان کا ایک بیٹا کبیر حسین بھی ہے۔
یاد رہے کہ 2019 میں ایوارڈ شو کے دوران اداکار نے اداکارہ کو پروپوز کیا تھا اور اداکارہ نے ہاں کردی تھی۔
شوبز کے مقبول جوڑی کی شادی دسمبر 2019 میں ہوئی اور ان کے ہاں 2021 میں بیٹے کی پیدائش ہوئی جس کا نام انہوں نے کبیر حسین رکھا۔
from ARYNews.tv | Urdu – Har Lamha Bakhabar https://ift.tt/MRJFNOi
