محکمہ اینٹی کرپشن سندھ کے ترجمان نے نجی اسکولوں کے دوروں سے متعلق سوشل میڈیا پر گردش کرنے والی خبروں پر وضاحتی بیان کر دیا۔
ترجمان اینٹی کرپشن نے واضح کیا ہے کہ سندھ ہائیکورٹ سکھر بینچ کے حکم پر اسکولوں کا ریکارڈ چیک کیا جارہا ہے اسکولوں کے دورہ کسی کے خلاف نہیں بلکہ عدالتی حکم کی تعمیل ہے۔
ترجمان نے کہا کہ مفت اور لازمی تعلیم سے متعلق ریکارڈ کی تصدیق جاری ہے نجی اسکولوں کے دورے قانونی دائرہ میں کیے جارہے ہیں۔
انہوں نے سوشل میڈیا پر گردش کرنے والی خبروں کو گمراہ کن قرار دیتے ہوئے کہا کہ عدالتی حکم پر نجی اسکولوں کی جانچ کے لئے اعلی سطحی کمیٹی تشکیل دی گئی ہے، تین رکنی کمیٹی عدالتی احکامات پر عملدرآمد یقینی بنائے گی۔
ترجمان کے مطابق اسکول ڈائریکٹوریٹ کے فوکل پرسنز کے ساتھ کارروائی جاری ہے اور رپورٹ 12 جنوری 2026 کو سندھ ہائی کورٹ سکھر میں پیش کی جائے گی، اینٹی کرپشن کی کارروائیاں شفاف اور قانون کے مطابق ہیں۔
from ARYNews.tv | Urdu – Har Lamha Bakhabar https://ift.tt/OhuniWx
