شوبز انڈسٹری کی معروف اداکارہ حبا علی خان کا کہنا ہے کہ سوشل میڈیا نے خواتین کو حد سے زیادہ لبرل بنادیا ہے۔
اداکارہ حبا علی خان نے حال ہی میں اے آر وائی پوڈ کاسٹ میں شرکت کی جہاں انہوں نے مختلف موضوعات پر اپنی رائے کا اظہار کیا۔
انہوں نے کہا کہ دوسری خواتین سے مسابقت ایک عام عنصر ہے جو طلاق کا باعث بن سکتا ہے، میری ایک بہت ہی قریبی دوست ہے جس کے شوہر نے مجھے فون کیا اور کہا حبا ہم صرف اس کی مسابقتی طبیعت کی وجہ سے طلاق لیں گے۔
اداکارہ کے مطابق دوست کے شوہر نے کہا کہ جب بھی وہ دوسروں کے ساتھ مہنگی چیزیں دیکھتی ہے تو وہ میرے پاس آتی ہے اور گاڑی کا مطالبہ کرتی ہے،
حبا علی خان نے کہا کہ مثال کے طور پر وہ قدامت پسند خاندان کے بارے میں جاننے کے باوجود بغیر آستین کے کپڑے پہننے پر اصرار کرتی ہیں۔ میرے خیال میں سوشل میڈیا نے بھی خواتین کو بے باک اور حد سے زیادہ لبرل بنا دیا ہے۔
واضح رہے کہ حبا نے پانچ سال کے وقفے کے بعد سپر ہٹ ڈرامہ سیریز مائی ری سے واپسی کی تھی اور اب ان کے مختلف ڈرامے آن ایئر ہیں۔
from ARYNews.tv | Urdu – Har Lamha Bakhabar https://ift.tt/YhQDwBS
