بھارت میں پولیس مندر سے دولہا اور دلہن کو اٹھا کر تھانے لے گئی۔
بھارتی میڈیا رپورٹ کے مطابق بہار کے ضلع باگھلپور کے علاقے نارتھ نگر میں واقع مندر میں پولیس نے جوڑے کو شادی کرنے سے روک دیا اور اٹھا کر تھانے لے گئی۔
دولہا دلہن نے بالوں میں سندور بھرا، پولیس وہاں پہنچی اور دولہا اور دلہن کو برآمدے سے ناتھ نگر تھانے لے گئی۔
اطلاع کے مطابق لڑکی اور مدھوسودن پور تھانہ علاقے کے لڑکی کے کی شادی ہورہی تھی، لڑکی کی عمر 23 سال اور لڑکے کی عمر 25 سال ہے، شادی میں جوڑے کے تمام رشتے دار بھی مبارکباد دینے پہنچے تھے۔
اسی دوران نامعلوم لڑکے نے 112 پر پولیس کو فون کرکے اطلاع دی کہ منوکمنا ناتھ مندر میں ہونے والی شادی ایک نابالغ لڑکی ہے اور اس سے زبردستی شادی کروائی جارہی ہے۔
اطلاع ملتے ہی پولیس موقع پر پہنچی اور لڑکے اور لڑکی کو تھانے لے آئی، جہاں انہیں گھنٹوں بیٹھا کر پوچھ گچھ کی گئی۔ اس دوران گھر والوں نے ہنگامہ کھڑا کردیا۔ تفتیش کی گئی تو ڈائل 112 پولیس کو موصول ہونے والی معلومات جھوٹی نکلیں۔ اس کے بعد تقریباً ایک بجے دولہا اور دلہن کو دوبارہ مندر لے جایا گیا، جہاں شادی کی تمام رسومات ادا کی گئیں۔
ناتھ نگر کے انسپکٹر راجیو رنجن سنگھ نے بتایا کہ دونوں فریقین راضی ہو گئے اور دولہا اور دلہن کو اپنے ساتھ لے گئے۔ جس کے بعد شادی کی تقریب مکمل ہوئی۔ انہوں نے کہا کہ غلط معلومات دینے والے لڑکے کی تلاش کی جا رہی ہے۔
from ARYNews.tv | Urdu – Har Lamha Bakhabar https://ift.tt/oOlgpXG
