بھارتی اداکارائیں اپنی وینٹی وین کے اندر بھی محفوط نہیں، فلم سیٹ پر ان کی وینز کے اندر بھی خفیہ کیمرے کا انکشاف ہوا ہے۔
جنوبی بھارت کی اداکارہ رادھیکا سرتھ کمار نے الزام لگایا ہے کہ ملیالم فلم سیٹس پر اداکاراؤں کو جو کار وینز دی جاتی ہیں اس کے اندر خفیہ کیمرے لگے ہوتے ہیں، چونکا دینے والے دعوے میں انھوں نے کہا کہ ملیالم فلموں کے شوٹنگ سیٹس پر خواتین اداکاروں کی قابل اعتراض ویڈیوز بنائی جاتی ہیں۔
ملیالم فلم انڈسٹری کی اداکارہ نے بتایا کہ شوٹنگ سیٹس پر خواتین اداکاروں کی قابل اعتراض ویڈیوز کارواں کے اندر خفیہ کیمروں سے ریکارڈ کی گئی تھیں اور انہوں نے خود مرد اداکاروں کو اپنے موبائل فون پر اسے دیکھتے ہوئے دیکھا تھا۔
ہیما کمیٹی کی رپورٹ کے اجرا کے بعد بھارت میں کھلبلی مچی ہوئی ہے، رادھیکا نے حیرت کا اظہار کیا کہ ہیما کمیٹی کی رپورٹ میں تاخیر کیوں کی گئی اور اس بات کی نشاندہی کی کہ نہ صرف ملیالم انڈسٹری بلکہ دیگر فلم انڈسٹریز میں بھی خواتین کے ساتھ مبینہ طور پر ہناروا سلوک جاری ہے۔
اپنا ذاتی تجربہ بتاتے ہوئے 62 سالہ رادھیکا سرتھ کمار نے کہا کہ ایک ملیالم فلم کے شوٹنگ سیٹ پر انھوں نے مردوں کو وینٹی وین میں خفیہ کیمروں کا استعمال کرتے ہوئے اداکاراؤں کے کلپس دیکھتے پایا تھا۔
سینئر اداکارہ نے بتایا، "میں نے دیکھا کہ فلم سیٹس پر لوگ خواتین کے کپڑے تبدیل کرنے کی ویڈیوز دیکھ رہے ہیں، تاہم انھوں نے دیگر تفصیلات جیسے اداکارہ یا فلم کا نام بتانے سے گریز کیا۔
رادھیکا نے مزید کہا کہ مجھے کہ سب دیکھ کر بہت غصہ آیا، میں نے سوچا کہ مجھے محفوظ رہنے کی ضرورت ہے اور اس لیے مجھے وینٹی وین نہیں چاہیے اور میں اپنے ہوٹل کے کمرے میں واپس چلی گئی۔
from ARYNews.tv | Urdu – Har Lamha Bakhabar https://ift.tt/5LHA2ej
