وزیراعظم ریلیف پیکیج کے تحت ماہانہ سبسڈی میں اضافہ کردیا گیا۔
اے آر وائی نیوز کے مطابق اقتصادی رابطہ کمیٹی (ای سی سی) نے وزیراعظم ریلیف پیکیج جاری رکھنے کی منظوری دے دی۔
ذرائع کا کہنا ہے کہ مستحق خاندان کو ماہانہ 2734 کے بجائے 3650 روپے سبسڈی ملے گی، بی آئی ایس پی کے تحت مستحق خاندان کے لیے ماہانہ سبسڈی میں 916 روپے اضافہ کیا گیا ہے۔
50 ارب وزیراعظم ریلیف پیکیج جبکہ 10 ارب رمضان ریلیف پیکیج پر خرچ ہوں گے۔
بی آئی ایس پی کے مستحق خاندانوں کو پانچ بنیادی اشیا پر سبسڈی دی جائے گی جن میں چینی، گھی، آٹا، چاول اور دالیں شامل ہیں۔
سبسڈی کا اطلاق 30 جون 2024 سے 31 جولائی 2025 تک ہوگا۔
from ARYNews.tv | Urdu – Har Lamha Bakhabar https://ift.tt/Utu4q6Y
