بھارت کی ریاست کرناٹک کے ایک گاؤں میں چیتا آبادی میں گھس آیا اور ڈر کے مارے اس نے پانی کے کنویں میں چھلانگ لگا دی۔
سوشل میڈیا پر ایک ویڈیو کلپ کافی گردش کر رہا ہے جس میں کچھ لوگ کنویں کے اردگرد کھڑے اس کے اندر دیکھ رہے ہیں۔ دراصل ایک چیتے نے اس میں چھلانگ لگا دی اور بُری طرح پھنس گیا۔
مقامی لوگوں نے چیتے کے کنویں میں گر جانے پر اسے نکالنے کیلیے ہر ممکن کوشش کی۔ پہلے کنویں میں سیڑھی اتاری گئی تاکہ وہ بآسانی اوپر آ جائے، پھر رسی کا پھندا بنا کر اسے نکالنے کی ترکیب آزمائی گئی لیکن کامیابی نہ مل سکی۔
پھر ایک جگاڑ کے ذریعے چیتے کو خود ہی کنویں سے نکلنے پر مجبور کیا گیا۔ مقامی لوگوں نے ایک ڈنڈے کے اوپری حصے پر آگ لگائی اور اسے کنویں میں چیتے کے قریب رکھا تاکہ وہ ڈر کے مارے باہر نکلنے کیلیے جدوجہد کرے۔
حیران کُن طور پر مذکورہ جگاڑ کام کر گیا۔ لوگوں نے جیسے ہی آگ لگے ڈنڈے کو کنویں میں اتارا تو چیتا ڈر کے مارے چھلانگیں لگانے لگا اور ایک موقع پر باہر آکر جنگل میں فرار ہوگیا۔
سوشل میڈیا پر جہاں گاؤں کے لوگوں کی تعریف کی گئی وہیں ان کے منفرد جگاڑ کو بھی سراہا گیا۔
Somewhere in Karnataka. A leopard fell into a well and even when a “ladder” was offered, it was cowering inside. So they put a stick of fire near his bum which forced him to climb the scaffolding & run away into the jungle. How they rejoice! Man, Nature & Jugaad.
Got it on WA. pic.twitter.com/OBr7kDTmlp
— Sahana Singh (@singhsahana) June 22, 2023
from ARYNews.tv | Urdu – Har Lamha Bakhabar https://ift.tt/PD5jOSF
