قومی ٹیم کے سابق قائد سرفراز احمد کی ٹوئٹ پر طنزیہ کمنٹ کرنا معروف یوٹیوبر کو مہنگا پڑگیا۔
معروف یوٹیوبر سعد الرحمٰن المعروف ڈکی بھائی کی ٹوئٹ پر وکٹ کیپر بیٹر سرفراز احمد کی اہلیہ میدان میں آگئیں اور کرارا جواب دے ڈالا۔
معاملہ کچھ یوں ہے کہ پاکستان اور انگلینڈ کے درمیان ٹیسٹ سیریز اختتام پزیر ہونے پر سرفراز احمد نے انگلش بیٹر بین ڈکٹ کی بیٹنگ کی تعریف میں ٹوئٹ کرتے ہوئے کہا تھا کہ ‘ڈکی بھائی آپ نے شاندار کھیل پیش کیا’۔
Well played ducky bhai @BenDuckett1
https://t.co/1UNd235YsV
— Sarfaraz Ahmed (@SarfarazA_54) December 20, 2022
سرفراز احمد کی اس ٹوئٹ کو ری ٹوئٹ کرتے ہوئے معروف یوٹیوبر نے لکھا ‘شکریہ میرے مداح، آپ جو کوئی بھی ہیں’، سعد الرحمٰن کی اس ٹوئٹ پر صارفین نے انہیں خوب تنقید کا نشانہ بنایا تھااور اب سرفراز کی اہلیہ خوش بخت نے بھی کرارا جواب دیا اور لکھا کہ ‘میں اس قسم کے سستی شہرت والے بلاگرز سے تھک چکی ہوں، ان کی یہ ٹوئٹ بیوقوفانہ حرکت تھی، انہیں شرم آنی چاہیے’۔
So done with these cheap bloggers! So stupid..
SHAME ON YOU https://t.co/EEFIVl1dax— Khushbakht Sarfaraz Ahmed (@sarfarazkhush) December 26, 2022
واضح رہے کہ سرفراز احمد ہوم گراؤنڈ پر پہلا ٹیسٹ نیوزی لینڈ کے خلاف کھیل رہے ہیں، جہاں انہوں نے پہلی اننگز میں 86 رنز کی عمدہ اننگز کھیل کر اپنی فٹنس ثابت کی ، یہی نہیں کپتان بابراعظم کے بیمار ہونے کے باعث انہوں نے کھیل کے تیسرے روز قائم مقام کپتان کے فرائض بھی سرانجام دئیے۔
from ARYNews.tv | Urdu – Har Lamha Bakhabar https://ift.tt/LuY0fEp
