وزیر اعلیٰ پنجاب مریم نواز کا کہنا ہے کہ خیبرپختونخوا کے عوام کو اب انتشار نہیں خدمت چاہیے۔
سماجی رابطے کی ویب سائٹ ایکس پر وزیر اعلیٰ پنجاب مریم نواز نے لکھا کہ کے پی کے بھائیوں اور بہنوں کو 13 سال دھرنا، انتشار، سستے ٹرینڈز ملے ہیں، گورنر راج عوام کا نہیں 13 سالہ نااہلی کا قصور ہے۔
خیبر پختونخوا کے بھائیوں اور بہنوں کو تیرہ برس صرف دھرنے،انتشار، گالم گلوچ اور سستے ٹرینڈز ملے۔ آج اگر خیبر پختونخوا گورنر راج اور ایمرجنسی کی باتیں سن رہا ہے تو یہ عوام کا نہیں،تیرہ سالہ نااہلی کا قصور ہے
خیبر پختونخوا کے بھائیوں اور بہنوں سے سوال ہے کہ پنجاب اور خیبر پختونخوا ایک ہی ملک میں ہیں،ایک ہی آئین اور ایک ہی قومی خزانے کے حصہ دار ہیں،پھر ایک صوبے میں ترقی کا سفر اور دوسرے میں تنزلی اور بدامنی کیوں؟ فرق وسائل کا نہیں، نیت اور اہلیت کا ہے۔
اگر پنجاب ستھرا ہو سکتا ہے تو خیبر پختونخوا کیوں نہیں؟ کیونکہ وہاں صفائی نہیں، صرف سیاست ہوئی۔
اگر پنجاب کے ہونہار بچوں کو اسکالرشپ مل سکتی ہے تو خیبر پختونخوا کے بچوں کو کیوں نہیں؟ کیونکہ وہاں ترجیح بچے نہیں، دھرنے تھے۔
اگر پنجاب کی مائیں بے فکر ہیں تو خیبر پختونخوا کی مائیں خوف میں کیوں؟ کیونکہ وہاں توجہ عوام کی حفاظت پر نہیں، اسلام آباد پر چڑھائی پر رہی۔
اگر پنجاب میں گرین الیکٹرو بسیں چل سکتی ہیں تو خیبر پختونخوا میں کیوں نہیں؟ کیونکہ وہاں منصوبے زمین پر نہیں، صرف سوشل میڈیا پر چلے۔
اگر پنجاب کے گاؤں تک پختہ سڑکیں پہنچ سکتی ہیں تو خیبر پختونخوا کی سڑکیں ادھوری کیوں؟ کیونکہ وہاں وعدے ہوئے، کام نہیں۔
اگر پنجاب میں مفت دوا، فیلڈ ہسپتال اور کلینک آن ویلز دہلیز پر ہیں تو خیبر پختونخوا کا مریض بے بس کیوں؟ کیونکہ وہاں عوام کی صحت سے زیادہ اقتدار عزیز رہا۔"کیوں" کا جواب ایک ہی ہے: تیرہ سالہ انتشار اور نااہلی!
پنجاب نے ثابت کر دیا کہ حکومتیں بڑھکوں سے نہیں، کام، کام اور کام سے چلتی ہیں۔خیبر پختونخوا کو اب انتشار نہیں، خدمت چاہیے۔— Maryam Nawaz Sharif (@MaryamNSharif) October 12, 2026
انہوں نے کہا کہ ایک صوبے میں ترقی کا سفر اور دوسرے میں تنزلی، بدامنی کیوں؟ پنجاب ستھرا ہوسکتا ہےکے پی کیوں نہیں؟ وہاں صفائی نہیں صرف سیاست ہوئی ہے۔
مریم نواز نے سوال کیا کہ پنجاب کے ہونہار بچوں کو اسکالر شپ مل سکتی ہے تو کے پی کے بچوں کو کیوں نہیں؟ پنجاب میں گرین الیکٹروبسیں چل سکتی ہیں تو کے پی میں کیوں نہیں؟
انہوں نے مزید کہا کہ پنجاب کے گاؤں تک پختہ سڑکیں پہنچ سکتی ہیں تو کے پی کی سڑکیں ادھوری کیوں؟ پنجاب میں مفت دوا، فیلڈ اسپتال، کلینک آن ویلز دہلیز پر ہیں تو کے پی کامریض بے بس کیوں؟۔
from ARYNews.tv | Urdu – Har Lamha Bakhabar https://ift.tt/8NAc24P
