بالی ووڈ کی ہدایت کار زویا اختر کی 2019 کی ریلیز ’گلی بوائے‘ ایوارڈ نامزدگیوں سمیت باکس آفس پر بھی ہٹ ثابت ہوئی۔
گلی بوائے میں میں رنویر سنگھ، عالیہ بھٹ، وجے راز اور سدھانت چترویدی کو بھی شاندار اداکاری کی وجہ سے سراہا جاتا ہے، وہیں ایک تجربہ کار اداکارہ تھیں جس نے فلم کو مسترد کردیا تھا جب انہیں فلم کے لیے آڈیشن دینے کا کہا گیا تھا۔
مراٹھی اداکارہ اوشا ناڈکرنی نے متعدد فلموں اور سیریز جیسے پاویترا رشتہ، واستو، رستم اور بہت سی فلموں میں کام کیا، حال ہی میں انہوں نے بتایا کہ کس طرح انہوں نے زویا اختر کی گلی بوائے کو مسترد کیا۔
اوشا نے کہا کہ پروڈکشن ہاؤس کا فون آیا جس میں انہیں کردار کے لیے آڈیشن دینے کے لیے کہا گیا۔
یہ پڑھیں: آپ بتانے والے کون ہیں مجھے میرے پیسوں کا کیا کرنا ہے؟ زویا اختر برہم
مجھ سے پوچھا گیا کہ کیا آپ کردار ادا کرنا چاہتی ہیں پھر ہمارے دفتر آئیں اور آڈیشن دیں، میں نے سالوں میں کیا کیا ہے کہ آپ مجھے آکر آڈیشن دینے کو کہہ رہے ہیں۔
اوشا نے بتایا کہ ایک لڑکے کی کال آئی، اس نے کہا آڈیشن دینے آجاؤ، میں نے کہا بیٹے تیری عمر کیا ہے؟ اس نے کہا کہ 25 سال ہے، میں نے کہا جب تیری ماں کی شادی نہیں ہوئی تھی اس وقت سے کام کرہی ہوں، آڈیشن دینے کے لیے یہ سب فالتو کام نہیں کرتی۔
اداکارہ کے مطابق میں نے پوچھا ہدایت کار کون ہے انہوں نے بتایا کہ زویا اختر ہے، میں نے کہا وہ تو بڑے باپ کی بیٹی ہے ناں، کمپیوٹر پر میرا نام لکھ کر کام دیکھ لیں۔
اگرچہ کے اس کردار سے متعلق ظاہر نہیں کیا گیا لیکن یہ ممکنہ طور پر رنویر سنگھ کی ماں کا ہوسکتا تھا جس کا کردار بعد میں امرتا سبھاش نے ادا کیا۔
from ARYNews.tv | Urdu – Har Lamha Bakhabar https://ift.tt/xrR4FuU
