شوبز انڈسٹری کی جوڑی اداکارہ حرا اور ارسلان خان کی دلچسپ ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ حرا خان شوہر ارسلان کے ساتھ مزاحیہ ویڈیو شیئر کرتی رہتی ہیں جنہیں ان کے مداح بھی پسند کرتے ہیں۔
اداکارہ نے ویڈیو شیئر کرتے ہوئے کیپشن میں لکھا کہ حقیقی واقعات سے متاثر ہے جبکہ ویڈیو کے اوپر ہر شوہر کے دل کی آواز لکھا دیکھا جاسکتا ہے۔
ویڈیو میں حرا خان شوہر سے کہتی ہیں کہ اچھا سنو، میں آپ کو ابھی بھی پیاری لگتی ہوں، شوہر کہتے ہیں کہ ہاں۔ پھر وہ کہتی ہیں کہ آپ کو میری قسم ہے کہ میرے لیے کوئی گانا گا کر سنائیں۔
ارسلان خان گانا گاتے ہیں کہ ’تم سا کوئی پیارا کوئی معصوم نہیں ہے۔‘ اس کے بعد وہ منہ بناتے ہوئے گاتے ہیں کہ ’کیا چیز ہو تم خود تمہیں معلوم نہیں ہے۔‘
شوہر کے چہرے کے تاثرات سے بے خبر حرا گانے سے محظوظ ہوتی رہتی ہیں۔
from ARYNews.tv | Urdu – Har Lamha Bakhabar https://ift.tt/2gZQYi1
