بھارتی ہائی کمیشن اسلام آباد کے ایک اہلکار کو ناپسندیدہ شخصیت قرار دے دیا گیا۔
ترجمان دفتر خارجہ کے مطابق ناپسندیدہ شخصیت قرار دیے گئے بھارتی اہلکار کو 24 گھنٹوں میں پاکستان چھوڑنےکی ہدایت کر دی گئی۔
بھارتی اہلکار کی سرگرمیاں سفارتی حیثیت کےمنافی تھیں۔
ترجمان کا کہنا ہے کہ بھارتی ناظم الامور کو دفترخارجہ طلب کر کے پاکستان کے فیصلے سے آگاہ کیا گیا ہے اور بتایا گیا کہ متعلقہ اہلکار کی سرگرمیوں پر پاکستان کو شدید تحفظات تھے۔
ترجمان کے مطابق حکومت پاکستان نے فیصلہ ملکی سلامتی کے مفاد میں کیا۔
واضح رہے کہ بھارتی حکومت نے پاکستانی ہائی کمیشن کے عملے میں ایک رکن کو 24 گھنٹے میں ملک چھوڑنے کا حکم دیا ہے۔
from ARYNews.tv | Urdu – Har Lamha Bakhabar https://ift.tt/3l9x5VF
