اسلام آباد: پاک بھارت کشیدگی کے پیش نظر حکومت نے قومی اسمبلی کا اجلاس بلانے کا فیصلہ کرلیا، تمام تیاریاں مکمل کرلی گئیں۔
تفصیلات کے مطابق پہلگام حملے کے بعد بھارت کے معتصبانہ اقدامات مسلسل جاری ہیں، بھارتی حکمران اپنے فوائد کےلیے پاکستان کے ساتھ جنگی صورتحال پیدا کرنے کےلیے کوشاں ہیں، کشیدہ صورتحال کے بعد ذرائع نے بتایا کہ قومی اسمبلی اجلاس 5 مئی بروز پیر طلب کیا جائے گا۔
ذرائع نے بتایا کہ قومی اسمبلی کا اجلاس بلانے کےلئے تمام تیاریاں مکمل کرلی گئی ہیں، ایک دو روز میں وزارت پارلیمانی امور صدر کو اجلاس بلانے کی سمری بھیج دے گی۔
ڈی جی آئی ایس پی آر نے بھارتی فوجی اور دہشت گرد کی آڈیو جاری کردی
قومی اسمبلی اجلاس میں پاک بھارت کشیدگی پر قرارداد منظور ہونے کا امکان ہے، قومی اسمبلی اجلاس میں پاک بھارت کشیدگی پر بحث کرائی جائے گی۔
ذرائع نے مزید بتایا کہ اجلاس میں اہم معاملات پر بحث اور قانونی سازی بھی کیے جانے کا امکان ہے، قومی اسمبلی کا اجلاس 2 ہفتے تک جاری رہےگا۔
مودی سرکار کی بے حسی : بچوں کے دل کے علاج کیلئے بھارت جانے والی فیملی پاکستان واپس پہنچ گئی
from ARYNews.tv | Urdu – Har Lamha Bakhabar https://ift.tt/2YhSoJR
