پاکستان شوبز انڈسٹری کی معروف اداکارہ انمول بلوچ نے کہا ہے کہ اگر کوئی اچھا اسکرپٹ ملا تو بہت جلد فلموں میں بھی کام کروں گی۔
نجی ویب سائٹ کو انٹرویو کے دوران میزبان نے ان سے سوال کیا کہ آپ کو فلموں کی آفر تو ہوئی تھیںِ جس پر انموبل بلوچ کا کہنا تھا کہ وہ اسکرپٹ اتنے اچھے نہیں تھے، مجھے لگا کہ میں مووی کےلیے تیار نہیں ہوں۔
لیکن اب میں دیکھ رہی ہوں اور فلموں کی آفرز بھی ہیں اور اگر کوئی اچھا اسکرپٹ ہوگا اور اچھی کوئی مووی بن رہی ہوگی تو انشااللہ ضرور کام کروں گی۔
انمول بلوچ نے شادی کی افواہوں کی تردید کردی
خیال رہے کہ انمول بلوچ اس وقت سب سے زیادہ پسند کی جانے والی پاکستانی اداکاراؤں میں سے ایک ہیں انھیں مشہور ڈراموں کی وجہ سے ناظرین کی جانب سے کافی پذیرائی ملی ہے۔
کچھ دنوں قبل پاکستان شوبز انڈسٹری کی معروف اداکارہ انمول بلوچ نے سوشل میڈیا پر اپنی شادی کے حوالے سے وائرل ہونے والی افواہوں کی تردید کی تھی۔
گزشتہ مہینوں سے اداکارہ کی شادی کرنے کی افواہیں سوشل میڈیا پر وائرل تھیں جس میں یہ دعویٰ کیا گیا تھا کہ انمول بلوچ کی شادی کی تقریبات کا آغازعید الفطر کے بعد جلد ہونے والا ہے۔
from ARYNews.tv | Urdu – Har Lamha Bakhabar https://ift.tt/n1XTtgy
