ایبٹ آباد: گلیات میں شدید برف باری کے باعث تعلیمی اداوں کو چار دن کے لیے بند کردیا گیا، اس سلسلے میں نوٹیفکیشن بھی جاری کردیا گیا ہے۔
تفصیلات کے مطابق سیاحتی مقام گلیات میں شدید برفباری ہوئی ہے، جس کے بعد محکمہ تعلیم نے نیا نوٹیفکیشن جاری کیا ہے، نوٹیفکیشن میں بتایا گیا ہے کہ گلیات میں شدید برفباری کے باعث نجی و سرکاری تعلیمی ادارے 4 روز کیلئے بند رہیں گے۔
جاری نوٹیفکیشن میں کہا گیا کہ یوسی بیرنگلی، نگری بالا، نتھیا گلی، تاجوال اور پٹن کلاں کےاسکول بند رہیں گے، اس کے علاوہ کوکمنگ، نملی میرا، خیرا گلی کے اسکول بھی بند رہیں گے۔
ڈسٹرکٹ ایجوکیشن افسر افتخارالغنی نے اسکول بند رکھنے کا نوٹیفکیشن جاری کیا، ڈسٹرکٹ ایجوکیشن آفیسرایبٹ آباد نے کہا کہ گلیات کے اسکول 7 مارچ تک بندرکھے جائیں۔
from ARYNews.tv | Urdu – Har Lamha Bakhabar https://ift.tt/OBXbCGK
