کے-الیکٹرک اہلکاروں کی جانب سے غیرقانونی بجلی کنکشنز منقطع کرنے کے دوران کنڈہ مافیا نے عملے پر حملہ کردیا اور تشدد کا نشانہ بنایا۔
ترجمان کے الیکٹرک کے مطابق ایبے سینیا لائن (لائنز ایریا) میں کنڈہ مافیا نے غیرقانونی بجلی کنکشنز منقطع کرنے کے دوران کے-الیکٹرک عملے پر حملہ کردیا، زخمی ملازمین کو فوری طبی امداد کے لیے قریبی نجی اسپتال روانہ کیا گیا۔
کے-الیکٹرک کے ترجمان کا کہنا تھا کہ عملے پر حملے اور تشدد کی شدید مذمت کرتے ہیں، کنڈا مافیا کیخلاف بھرپور ایکشن جاری رہے گا۔
ترجمان نے بتایا کہ متعلقہ علاقہ نادہندگان پر بجلی کی مد میں واجب الادا رقم 27 کروڑ روپے سے تجاوز کر چکی ہے، حملہ آور عناصر کیخلاف ایف آئی آر کا اندراج کروایا جا چکا ہے۔
گزشتہ ہفتے بھی لائنز ایریا میں آپریشن کے دوران بجلی کمپنی کے عملے پر حملہ ہوا تھا جسکی ایف آئی آر کا اندراج کروا دیا گیا تھا۔
from ARYNews.tv | Urdu – Har Lamha Bakhabar https://ift.tt/72BE5Qq
