لاہور: گھر والوں نے پہلے دن کام پر رکھا، دوسرے ہی دن ملازماؤں نے ساتھیوں کے ساتھ ملکر2 کروڑ روپے سے زائد کی ڈکیتی کر ڈالی۔
تفصیلات کے مطابق لاہور کے علاقے ماڈل ٹاؤن میں گھریلو ملازمین کے روپ میں خواتین کی جانب سے ملزمان کے ہمراہ تاجر کے گھر ڈکیتی کی گئی، ماڈل ٹاؤن پولیس نے واردات کا مقدمہ درج کرکے ملزمان کی تلاش شروع کردی۔
مقدمے میں بتایا گیا ہے کہ ماڈل ٹاؤن کے رہائشی تاجر نے واردات سے صرف ایک روز پہلے 2 خواتین کو گھریلو ملازم رکھا تھا۔
ایف آئی آر کے مطابق اگلے ہی روز خواتین نے 2 مسلح ساتھیوں کے ساتھ اہل خانہ کو یرغمال بنایا، ملزمان گن پوائنٹ پر 2کروڑ 20لاکھ، 48ہزار مالیت کے زیورات لوٹ کرفرار ہوگئے۔
from ARYNews.tv | Urdu – Har Lamha Bakhabar https://ift.tt/q28XwCG
