کراچی: چیئرمین بورڈ آف ڈائریکٹرز کی جانب سے اسٹیل مل کو بند کرنے کا فیصلہ واپس لینے کا مطالبہ سامنے آگیا۔
بورڈ آف ڈائریکٹرز نے پاکستان اسٹیل مل کو بند کرنے کی مخالفت کی ہے، چیئرمین بورڈ آف ڈائریکٹرز نے صدر مملکت، وزیراعظم پاکستان، وزیر خزانہ، ایس آئی ایف سی اور سینیٹ کی اسٹینڈنگ کمیٹی کو خط لکھا ہے۔
اس خط میں ادارے کو بند کرنے کا فیصلہ واپس لینے کا مطالبہ کیا گیا ہے، چیئرمین بورڈآف ڈائریکٹرز نے لکھا کہ اسٹیل بند کرنے کا فیصلہ عجلت میں کیا گیا ہے۔
چیئرمین عامرممتاز نے خط میں کہا کہ اسٹیل مل کو بند کرنے سے سنگین معاشی اور سماجی نتائج برآمد ہوں گے۔
خط میں کہا گیا کہ اسٹیل مل بند کرنے سے مزید مایوسی پیدا ہوگی، اسٹیل مل کو بند کرنے سے سالانہ اخراجات ختم یا کم نہیں ہوتے۔
from ARYNews.tv | Urdu – Har Lamha Bakhabar https://ift.tt/gjFDc0Y
