معروف بھارتی اداکار نے اپنے خلاف جعلی اور بے ہودہ خبریں پھیلانے والے یوٹیوبر کے خلاف ایف آئی آر درج کروادی۔
ساؤتھ فلموں کے سپراسٹار وجے دیورا کونڈا کی ٹیم نے ایک یوٹیوبر کے خلاف اپنے چینل پر اداکار کے بارے میں غلط معلومات پھیلانے کی شکایت درج کرائی ہے۔ اس سلسلے میں حیدرآباد سائبر کرائم پولیس نے ایک شخص کو گرفتار کیا ہے
مذکوہر شخص کی جانب سے ایک بے ہودہ ویڈیو پوسٹ کی گئی تھی۔ اس کلپ میں وجے دیورا کونڈا کے خلاف غلط معلومات پھیلاتے ہوئے ان کی توہین کی گئی تھی۔
یوٹیوبر نے اپنے چینل پر اداکار کے بارے میں افواہیں شیئر کی تھیں۔ مذکورہ شخص نے توہین آمیز کلپ پوسٹ کی تھی جس کے چند دن بعد ہی پولیس نے اس شخص کے خلاف ایکشن لیا ہے۔
پولیس کی جانب سے یہ بھی یقینی بنایا گیا ہے کہ اس شخص نے اپنے چینل سے بے ہودہ ویڈیو کو ڈیلیٹ کر دیا گیا ہو۔
میڈیا رپورٹس کے مطابق اننتا پور کے ایک یوٹیوبر کی جانب سے اپنے چینل ’سینی پولس‘ پر وجے دیوراکونڈا اور ایک خاتون اداکار کے بارے میں غلط قسم کی افواہیں شیئر کی تھیں۔
وجے کی ٹیم کا کہنا ہے کہ کچھ دن پہلے اس شخص نے وجے اور ایک اداکارہ سے متعلق بے ہودہ خبریں پھیلائی تھیں۔ اہانت آمیز خبروں کی طرف توجہ دلانے کے بعد پولیس نے فوری طور پر اس کے خلاف کارروائی کی ہے۔
اداکار کی ٹیم نے مزید کہا کہ مستقبل میں اس طرح کے واقعات سے بچنے کے لیے احتیاطی اقدامات کیے جا رہے ہیں۔ بعض اوقات لوگ حدیں پار کرجاتے ہیں۔
from ARYNews.tv | Urdu – Har Lamha Bakhabar https://ift.tt/spxKSWZ
