کراچی : دستگیر میں ایک گھر میں گیس لیکج دھماکے کے نتیجے میں ایک شخص زخمی ہوا اور مکان کا آدھا حصہ تباہ ہو گیا، ابتدائی طور پر دھماکا گیس پریشر مشین کے باعث ہوا۔
تفصیلات کے مطابق کراچی کے علاقے فیڈرل بی ایریا دستگیر بلاک 14 میں علامہ اقبال پارک کے قریب گھر میں سلنڈر دھماکا ہوا ، دھماکے سے گھر میں آگ لگ گئی اور گھر کا آدھا حصہ منہدم ہوگیا۔
ریسکیو ذرائع کا کہنا ہے کہ دھماکے کے باعث ایک شخص زخمی ہوا ، جسے عباسی شہید اسپتال منتقل کردیا گیا ہے، زخمی شخص کی شناخت ارشدکے نام سےہوئی تاہم فائربریگیڈ کی ایک گاڑی نےآگ پرقابو پایا۔
گھرمیں دھماکے کا معاملے پر بم ڈسپوزل اسکواڈ نے بتایا کہ گھر میں گیس سلنڈر موجود نہیں تھا ،گیس پریشرمشین لگی تھی ، ابتدائی طورپر لگتا ہے دھماکا گیس پریشر مشین کے باعث ہوا۔
علاقہ مکین کا کہنا تھا کہ دھماکے کی نوعیت کافی زیادہ تھی، مکان کےپلرکوبھی نقصان پہنچا جبکہ دھماکے سے اطراف کے مکانات کے شیشے بھی ٹوٹ گئے۔
from ARYNews.tv | Urdu – Har Lamha Bakhabar https://ift.tt/WkmDjGS
